موشح يظهر جمال الفن العربي ... أول مره سمعت هذا الموشح الرائع في مدرسة الدسمة للبنات في اخر مرحلة بالمتوسط ومن حبي للموسيقى رحت وسجلت مع أبلات الموسيقى ( أنعام ) و ( شرين )>>>( كانو يترجون البنات تعالو اشتركو معانا ) لانه كان في حفل على مستوى جميع مدارس الكويت و كل مدرسة تقدم فقره موسيقيه .. وهذا الموشح كان فقرة بنات مدرسة الدسمه المتوسطه .. كانت كل يوم تزورنا موجهة موسيقى وتعلمنا أسس الغناء و غيره وكانت عيوزه وايد و تحط ميك بطريقه تدفعنا للضحك آنذاك ( الكحل الفرعوني ) و(حمره برتقالية ) ولمن نغني كانت تندمج و تغمض عيونها و تهز راسها وأنا وصديقاتي نضحك و تنتبه علينا كانت توقف العزف والغناء وتهاوشنا و تهددنا بالطرد .. ونعتذر لها و نرجع نضحك مره ثانيه لمن تندمج بالغناء وبالاخير أنا و صديقاتي ملينا من الوضع مو قادرين نركز من الضحك رحنا للموجهه قلنا لها مانبي نشارك بالحفله وبنطلع من التدريبات وكانت المفاجأة أنها ترجتنا عشان نبقى وما نطلع ( لوووووول ) و بالاخير بعد ما حفظنا الموشح و طلعنا من الحصص و ضحكنا وانزفينا (( تكنسلت الحفله من الوزارة ))
والحين كلما أسمعه اتذكر هذا الموقف وأيام المتوسط
رأيي بالموشح : صوت نقي _ اداء جميل جدا _ كلمات رائعه
